текебұрқақ

зат. этногр. Таутекелердің матасу мерзіміне (желтоқсан айы) сай келетін ауа райындағы қолайсыз (жел, боран, жауын-шашын, суық т.б.) күндер. Ел ішінде «Құралайдың салқыны», «Т е к е б ұ р қ а қ» деп аталатын қыс тоқсанның алғашқы күні осылай басталды (С.Елубаев, Ойсыл қара, 80). Амал дегеніміз – жыл сайын белгілі бір уақытта қайталанып отыратын ауа райындағы жайсыз құбылыстар (жел, боран, жауын-шашын т.б. ). Олар: киіктің матауы, құралайдың салқыны, бұғының ауыз шайқауы, т е к е б ұ р қ а қ, бесқонақ т.б. (Ана тілі, 02.04.1992, 6).